Hver er uppruni orðsins 'olnbogabarn' og hvað er átt við með því?

Answer

Orðið olnbogi er ytri hluti liðar milli fram- og upphandleggjar. Sögnin að olnboga merkir að ‘reka olnbogann í, hrinda frá sér með olnboganum’. Oft er talað um að menn hafi þurft að olnboga sig áfram í þrengslum, til dæmis á skemmtunum. Olnbogabarn er þá barnið sem olnboginn er rekinn í, það er barnið sem verður fyrir mótlæti á heimili, er þar hornreka og haft út undan.

Olnbogabarn er barnið sem olnboginn er rekinn í, það er barni sem verður fyrir mótlæti á heimili.
Orðið þekkist að minnsta kosti frá síðari hluta 18. aldar. ,,fordast gód módir at hafa olnboga barn“ skrifaði til dæmis Björn Halldórsson í bókinni Arnbjørg æruprýdd dándiskvinna á Vestfjørdum Islands afmálar skikkun og háttsemi godrar hússmódur sem gefin var út 1843.

Frekara lesefni á Vísindavefnum:

• Kemur orðið "olnbogi" af öðru beini framhandleggs, öln?
• Hvað er tennisolnbogi og af hverju stafar hann?

Mynd:

• East West Martial Arts