Hvað er vetni?

Answer

Vetni er frumefni og hefur efnatáknið H. Sætistala þess í lotukerfinu er 1 og það er léttasta frumefnið. Þegar það binst súrefni myndar það vatn sem við táknum með H₂O. Vetnisgas er táknað með H₂ en þar eru tvær vetnisfrumeindir bundnar saman.

Eingöngu 0,01% af lofthjúpi jarðar er vetni og af massa jarðskorpunnar eru 0,9% vetni, að mestu bundið í efnasamböndum. Vetni er algengasta frumefnið í geimnum.

Hægt er að lesa meira um vetni á Vísindavefnum meðal annars í svörum við spurningunum:

• Hvers vegna er vetni svona eldfimt?
• Hvað er þungt vatn og til hvers er það notað?
• Hvað er að segja um vetni sem orkugjafa framtíðarinnar?